Mwanasiasa mkongwe na mwanachama wa Chadema, Godbless Lema, ametoa kauli yenye mshutumu kuhusu kuingilia mkutano wa kimataifa wa Katibu Mkuu wa Chadema, John Mnyika, na polisi ambao walizuia mkutano huo uliofanyika leo.
Kupitia mtandao wa kijamii wa X, Lema alieleza kushangazwa na hatua ya polisi kuzuia kiongozi wa upinzani kuzungumza mbele ya umma.
"Unazuia kiongozi wa chama cha upinzani kuzungumza katikati ya Mkutano wa Kimataifa? Mbona sasa ndio kazungumza kwa sauti."
Aliongeza kuwa hatua hii ni sehemu ya vitendo vya uonevu vinavyofanywa dhidi ya viongozi wa upinzani nchini Tanzania.
Lema alisisitiza kuwa hatua za kuzuia uhuru wa kusema na kufanya mikutano si tu zinavunja haki za kiraia, bali pia zinadhihirisha ukosefu wa demokrasia.
"Tutafika mwisho wa huu uonevu hivi karibuni," alisema Lema.
Lema alionyesha imani kuwa Watanzania wataendelea kupigania haki zao za kimsingi na demokrasia.
Polisi walikuwa wamezuia mkutano wa Mnyika na waandishi wa habari katika ofisi za Makao Makuu ya Chadema, hatua ambayo imeibua hisia kali kutoka kwa viongozi wa chama hicho na mashabiki wao.
Hali hiyo inaonekana kuongeza mazungumzo kuhusu uhuru wa kisiasa na haki za kiraia nchini.
.webp)
.jpg)
