Simba SC Yaahirisha Mchakato wa Baraza la Wadhamini 2026
Uongozi wa Klabu ya Simba SC umeamua kusimamisha kwa muda mchakato wote uliokuwa ukiendelea wa kuunda Baraza la Wadhamini. Uamuzi huo umefikiwa kufuatia kikao cha Bodi ya Wakurugenzi kilichoketi mnamo Agosti 3, 2026.
Taarifa ya pamoja iliyotolewa na Mwenyekiti wa Bodi ya Wakurugenzi, Crescentius Magori, pamoja na Makamu Mwenyekiti wa Bodi, Murtaza Mangungu, imeeleza kuwa matukio yote yaliyopangwa kuhusiana na mchakato huo yamesitishwa rasmi hadi hapo maelekezo mengine yatakapotolewa na Bodi.
Fokus na Mikakati ya Simba SC kwa Sasa
Licha ya kusimamishwa kwa mchakato huo, Bodi ya Wakurugenzi imewatoa hofu wanachama na mashabiki kwa kubainisha kuwa maandalizi ya msimu mpya wa mashindano yanaendelea kama ilivyopangwa.
Uongozi umeeleza kuwa kwa sasa nguvu zote zinaelekezwa kwenye maeneo yafuatayo:
-
Usajili wa Wachezaji: Kukamilisha taratibu za kusajili wachezaji wapya ili kuimarisha kikosi kuelekea msimu mpya.
-
Tamasha la Simba Day: Kukamilisha maandalizi ya kilele cha siku ya Simba.
-
Mchezo wa Ngao ya Jamii: Kujiandaa kikamilifu kwa ajili ya mchezo huo wa ufunguzi wa msimu.
-
Ligi Kuu ya NBC: Kuweka mikakati madhubuti ya kuwania na kutwaa ubingwa wa Ligi Kuu Tanzania Bara kwa msimu wa 2026/2027.
Wito kwa Wanachama na Mashabiki
Viongozi wa Simba SC wamewataka wanachama na mashabiki nchi nzima kuendelea kuwa watulivu, kushikamana, na kuipa timu yao support ya kutosha katika kipindi hiki cha maandalizi ya msimu.
Taarifa hiyo imehitimishwa kwa kusisitiza kauli mbiu ya klabu hiyo: “Simba Nguvu Moja.”