Msanii nyota wa Bongo Fleva na Mkurugenzi Mtendaji wa WCB Wasafi, Diamond Platnumz, ameshangaza mashabiki wake baada ya kumpongeza mtangazaji na muandaaji wa maudhui Vicent Njau maarufu Kiredio, pamoja na mpenzi wake vee_dollarz, siku ya Valentine.
Diamond aliweka maoni kwenye picha yao mitandaoni akisema:
“COUPLE OF THE YEAR! 🌹❤️🔥”
Maoni haya yameibua hisia tofauti miongoni mwa mashabiki, wengi wakimshauri Kiredio kuwa makini na mahusiano yake. Wengi wameonya kuhusu kuonyesha mapenzi mitandaoni, wakisema yanaweza kusababisha maumivu na majuto siku za usoni.
Baadhi ya mashabiki wameshauri Kiredio kuacha kile walichokiita “kiki za kimahusiano” na badala yake, atulie na mpenzi wake. Pia wamemshauri wawili hao kufikiria kwa makini iwapo wana mpango wa kuingia kwenye ndoa, ili kuzuia matatizo yanayoweza kujitokeza baadaye.
Hali hii imezua mjadala mtandaoni, huku wafuasi wakibadilishana maoni kuhusu uwiano kati ya maisha ya umma na binafsi ya watu mashuhuri. Diamond Platnumz amefanikiwa tena kuvutia hisia za mashabiki wake, huku kila hatua yake ikifuatiliwa kwa karibu na wafuasi wake wengi
