Rais wa Marekani, Donald Trump, ametoa onyo kali zaidi kwa Serikali ya Iran, akitaka pande hizo mbili zifikie makubaliano ya kudumu ndani ya mwezi ujao, vinginevyo Marekani itaingia katika awamu ya pili ya shinikizo ambayo ameitaja kuwa itakuwa “chungu sana” kwa Tehran.

Akizungumza na waandishi wa habari hivi karibuni, Rais Trump amesisitiza kuwa makubaliano yanawezekana lakini lazima yafikiwe haraka. Amesema kuwa Wairani walikosa fursa ya awali na matokeo yake wakakumbana na “Operesheni Nyundo ya Usiku wa Manane” (Operation Midnight Hammer), na sasa amewataka kutorudia kosa hilo.

Kauli hizi za Trump zinakuja wakati duru mpya ya mazungumzo ya nyuklia ikianza mjini Muscat, Oman, tangu Ijumaa iliyopita. Licha ya mashinikizo ya washirika wa karibu, Rais Trump ameweka wazi uhuru wake wa kimaamuzi:

Alipoulizwa kama Waziri Mkuu wa Israel Benjamin Netanyahu alimshawishi kusitisha mazungumzo, Trump alijibu kwa mkato kuwa hajazungumza na Israel kuhusu hilo na kwamba atazungumza na Iran kwa muda anaotaka yeye.

Ameashiria kuwa mwezi mmoja ndio muda wa kutosha kufikia mwafaka, vinginevyo hali itakuwa “ngumu na ngumu sana” kwa uchumi na usalama wa Iran.