Yanga Yashusha Kifaa Cha Nguvu! Fred Duval Ngoma Anatua Jangwani Kukiwasha
Klabu ya Yanga imeendelea kuimarisha kikosi chake kuelekea msimu mpya baada ya kufanikisha usajili wa kiungo mkabaji raia wa DR Congo, Fred Duval Ngoma (28), aliyetua nchini usiku wa kuamkia leo Agosti 2, 2026.
Ngoma anajiunga na Wananchi akitokea klabu ya Olympique Club de Safi inayoshiriki Ligi Kuu ya Morocco (Botola Pro), ambako alikuwa nguzo muhimu katika eneo la kiungo cha ulinzi. Mbali na uzoefu wake wa soka la Afrika Kaskazini na Central Africa, Ngoma amewahi pia kuitumikia Timu ya Taifa ya DR Congo katika ngazi mbalimbali.
Ingizo Jipya, Nguvu Mpya Jangwani:
Ujio wa Ngoma unalenga kuongeza uthabiti katika eneo la ulinzi wa kiungo, kuongeza ushindani wa namba, na kuipa Yanga nguvu zaidi kwenye michuano ya ndani pamoja na Klabu Bingwa barani Afrika (CAF Champions League). Katika msimu uliopita ndani ya Botola Pro, Ngoma alijizolea sifa kwa uwezo wake wa kuvunja mashambulizi, ushindi wa mipira ya juu, na nidhamu ya kuanzisha mashambulizi kutoka nyuma.