Rais Samia Ateua Mkurugenzi Mkuu TTB na Mtendaji Mkuu TBA

DAR ES SALAAM — Rais wa Jamhuri ya Muungano wa Tanzania, Dkt. Samia Suluhu Hassan, amefanya uteuzi wa viongozi wakuu katika taasisi mbili za umma, kwa mujibu wa taarifa rasmi iliyotolewa na Katibu Mkuu Kiongozi, Dkt. Moses Kusiluka.

Uteuzi huo umethibitishwa na Kaimu Mkurugenzi wa Mawasiliano ya Rais (Ikulu), Shaaban Kissu, kupitia taarifa kwa umma iliyotolewa Dar es Salaam.

Viongozi Walioteuliwa

• Dkt. Thereza Israel Mugobi: Ameteuliwa kuwa Mkurugenzi Mkuu wa Bodi ya Utalii Tanzania (TTB). Kabla ya uteuzi huu rasmi, Dkt. Mugobi alikuwa akikaimu nafasi hiyo.

• Bw. Said Rajabu Mndeme: Ameteuliwa kuwa Mtendaji Mkuu wa Wakala wa Majengo Tanzania (TBA). Kabla ya uteuzi huu, Bw. Mndeme alikuwa akihudumu kama Mkurugenzi wa Milki ndani ya Wakala huo.