Yanga na Simba Zapagwa Katika Makundi Haya Ligi ya Mabingwa Afrika
Timu za Tanzania, Young Africans (Yanga SC) na Simba SC, leo Oktoba 28, 2026 zimepangwa katika makundi tofauti ya Ligi ya Mabingwa Afrika (CAF Champions League) msimu wa 2026/2027, huku zikikabiliwa na upinzani mkali kutoka kwa klabu mbalimbali zenye historia kubwa katika soka la Afrika.
Yanga imepangwa Kundi B pamoja na Zamalek SC ya Misri, MC Alger ya Algeria na Club Africain ya Tunisia. Kwa upande wa Simba SC, imewekwa Kundi C pamoja na RS Berkane ya Morocco, Orlando Pirates ya Afrika Kusini na Colombe Sportive ya Cameroon.
Katika makundi mengine, Kundi A linaundwa na ES Tunis ya Tunisia, Atlético Petroleos na Wiliete SC za Angola pamoja na FC Nouadhibou ya Mauritania. Kundi D lina Pyramids FC ya Misri, Al Hilal ya Sudan, Horoya AC ya Guinea na MAS de Fès ya Morocco.
Hatua ya makundi inatarajiwa kuanza Novemba 27 hadi 29, 2026, huku michezo ya pili ikipangwa Desemba 4 hadi 6, kabla ya michezo mingine kuendelea Desemba 18–20, Januari 8–10, Januari 15–17 na Januari 22–24, 2027, kwa mujibu wa ratiba inayoonekana kwenye picha.
Kwa Yanga na Simba, safari ya kuwania ubingwa wa Afrika inahitaji maandalizi makini, nidhamu na matokeo mazuri katika michezo ya nyumbani na ugenini ili kuongeza nafasi za kufuzu hatua ya robo fainali.