UBABE ZANZIBAR: Yanga Yaitandika Simba 1-0 na Kutwaa Ngao ya Jamii 2026, Yafikia Rekodi ya Wekundu
ZANZIBAR – Young Africans SC (Yanga) wameanza msimu wa 2026/27 kwa kishindo baada ya kuibuka na ushindi wa bao 1-0 dhidi ya watani wao wa jadi, Simba SC, na kutwaa Ubingwa wa Ngao ya Jamii katika Dimba la New Amaan Complex, Zanzibar.
Ushindi huo umeifanya Yanga kutwaa taji hilo kwa mara ya 10 katika historia ya michuano hiyo, na kuifikia rasmi rekodi ya Simba SC ambao pia wamelibeba mara 10.
Bao pekee na la ushindi lilipachikwa kimiani mnamo dakika ya 31 na mshambuliaji Albert Kangwanda, bao ambalo lilidumu hadi filimbi ya mwisho na kuwapa Wananchi furaha kubwa.
Pamoja na Simba SC kuongeza kasi na kutengeneza nafasi kadhaa za kusawazisha katika kipindi cha pili, safu ya ulinzi ya Yanga ilisimama imara na kulinda ushindi huo muhimu. Hii inakuwa mara ya pili mtawalia kwa Yanga kuifunga Simba 1-0 kwenye mchezo wa Ngao ya Jamii, ikirejelea matokeo ya msimu uliopita.
Muhtasari wa Mchezo (FT):
-
⚽ Yanga SC 1-0 Simba SC
-
🥅 Mfungaji: Albert Kangwanda (31’)
-
🏟 Uwanja: New Amaan Complex, Zanzibar
-
🏆 Bingwa: Young Africans SC (Taji la 10)