Mchezaji wa Kimataifa wa Uganda anayehudumu katika klabu ya Singida Black Stars Khalid Aucho kuoitia ukurasa wake wa Instagram ameomba radhi kutokana na adhabu ambayo amepewa na klabu yake.
Khalid Aucho ✍
Katika siku chache zilizopita nimechukua muda kutafakari hali iliyotokea na namna ilivyoleta maumivu na kukatishwa tamaa.
Bila kujali mazingira ya tukio ninaomba radhi kwa dhati kwa uongozi, wachezaji wenzangu, mashabiki na kila mtu anayehusishwa na nembo tunayoivaa kwa fahari.
Najutia kwa kina kuruhusu wakati mmoja wa maamuzi mabaya kufunika dhamira yangu na kujitolea kwangu kwa timu.
Ninaelewa kuwa imani hujengwa kupitia nidhamu ya mara kwa mara, weledi na heshima.
Nipo tayari kuendelea kuzingatia misingi hiyo. Sasa ni wakati wa kufanya kazi kwa bidii na kuisukuma timu mbele.
Lengo langu linaendelea kuwa kuchangia kwa njia chanya ndani ya klabu, kuwasaidia wachezaji wenzangu na kudumisha maadili ya umoja, nidhamu na taaluma.
Asanteni kwa uelewa wenu na kwa mashabiki nawashukuru kwa upendo na sapoti yenu endelevu. Nawathamini sana.