Wilson Oruma, maarufu kwa jina la “Mzee wa Jambia,” amesimamishwa kazi na uongozi wa E FM baada ya kukataa kuomba msamaha kwa kauli alizozitoa kuhusu klabu ya Yanga SC.
Taarifa zilizofika zinaeleza kwamba uongozi wa E FM ulimtaka Oruma atoe radhi hadharani, lakini mwanahabari huyu jasiri alikataa, akidumisha msimamo wake bila kuyumba. Uamuzi huu ulimgharimu nafasi yake amesimamishwa kwa kipindi ambacho bado hakijafafanuliwa.
Oruma amejijengea jina kubwa katika tasnia ya uandishi wa habari za michezo Tanzania kwa ujasiri wake wa kuzungumza ukweli bila woga. Jina lake la utani “Mzee wa Jambia” linaeleza vyema tabia yake anakata ukweli mchungu kama jambia, bila kuuliza ruhusa ya mtu yeyote.
Tukio hili linazua swali zito: Je, uhuru wa mwanahabari unaishia wapi? Vyombo vya habari vinategemea uaminifu kama nguzo yake kuu. Pale mwanahabari anapolazimishwa kuomba msamaha kwa maoni yake ya kitaalamu, inadhihirisha jinsi nguvu za klabu kubwa zinavyoweza kuathiri uhuru wa habari.
Mashabiki wengi wamemtakia Oruma nguvu kupitia mitandao ya kijamii, wakimsifu kwa kusimama imara. Hata hivyo, bei ya ujasiri huo ni kubwa kazi yake ipo mashakani.Msimamo wa Wilson Oruma bado ni ule ule