Shughuli imehitimishwa katika dimba la Sheikh Amri Abeid Stadium ambapo TRA United wameonyesha ubabe wao kwa kuibuka na ushindi mnono wa mabao 4-1 dhidi ya Azam FC katika mchezo wa Ligi Kuu.
Mchezo huo uliokuwa na kasi na ushindani mkubwa ulianza kwa pande zote kushambuliana, ambapo Azam FC walitangulia kupata bao kupitia Japhet Kitambala dakika ya 7.
Hata hivyo, TRA United walijibu kwa nguvu na kusawazisha kupitia Ally Ng’anzi dakika ya 19, kabla ya Ally Mapaka kufunga mabao mawili mfululizo dakika ya 41 na 44, na kuifanya timu hiyo kwenda mapumziko ikiwa mbele kwa 3-1.
Kipindi cha pili kilishuhudia TRA United wakiendelea kutawala mchezo, na hatimaye kufunga bao la nne kupitia Chobwedo dakika ya 64, likihitimisha rasmi kipigo hicho kizito kwa Azam FC.
Matokeo ya mwisho:
TRA United 4-1 Azam FC
Ushindi huo umeipa TRA United morali kubwa katika mbio za ligi, huku Azam FC wakikabiliwa na presha ya kurekebisha makosa yao katika mechi zijazo.