Klabu ya Singida Black Stars (Singida BS) imepiga hatua kubwa katika historia yake ya ushiriki wa mashindano ya kimataifa baada ya kufuzu fainali ya CECAFA Kagame Cup. Timu hiyo kutoka Tanzania imejihakikishia nafasi ya kucheza mchezo wa mwisho dhidi ya miamba ya Sudan, Al Hilal Omdurman, kufuatia ushindi wa mabao 2-0 dhidi ya KMC FC katika dimba la KMC Complex, Dar es Salaam.
Singida BS Yatinga Fainali ya CECAFA Kagame Cup Baada ya Kuifunga KMC 2-0
Safari ya Singida BS Kuelekea Fainali
Katika mchezo huo wa nusu fainali, Clatous Chama aliwapa mashabiki wa Singida furaha dakika ya 44 baada ya kupachika bao la kwanza kabla ya Ande Koffi kuongeza la pili dakika ya 63. Mabao hayo mawili yaliihakikishia Singida BS tiketi ya kucheza fainali ya mashindano haya ya kihistoria ya Afrika Mashariki na Kati.
Kwa ushindi huo, Singida BS sasa itakutana na Al Hilal Omdurman katika mchezo wa fainali. Hii ni mara ya kwanza kwa klabu hiyo kushiriki hatua ya juu kabisa ya michuano ya Kagame Cup, jambo linaloashiria ukuaji mkubwa wa soka la Tanzania.
Al Hilal Omdurman Yatinga Fainali Baada ya Kuiondoa APR
Katika nusu fainali ya kwanza, Al Hilal Omdurman ilijihakikishia nafasi ya fainali baada ya kuichapa APR FC ya Rwanda kwa mabao 3-1. Mchezo huo ulidumu kwa dakika 120 kufuatia sare ya 1-1 ndani ya dakika 90. APR walikuwa wa kwanza kupata bao kupitia kwa William Togui dakika ya 32, lakini Al Hilal walirejea mchezoni na kusawazisha kupitia Abdelrazig Omer.
Katika dakika za nyongeza, Al Hilal ilionyesha ubabe wake ambapo Abdel Raouf alifunga bao la pili dakika ya 91 na Ahmed Salem akakamilisha ushindi dakika ya 106, na hivyo kuondoa matumaini ya APR ya kutwaa taji lao la nne.
Klabu ya Singida Black Stars imeifuata Al Hilal Omdurman ya a Sudan kwenye fainali ya CECAFA Kagame Cup kufuatia ushindi wa 2-0 dhidi ya KMC Fc katika dimba la KMC Complex kwenye nusu fainali.
Singida Black Stars 🇹🇿 2-0 🇹🇿 KMC
⚽ 44’ Clatous Chama
⚽ 63’ Ande Koffi
FAINALI: CECAFA Kagame Cup
Al Hilal 🇸🇩 vs 🇹🇿 Singida Black Stars
MSHINDI WA TATU:
APR Fc 🇷🇼 vs 🇹🇿 KMC Fc
Singida Black Stars imeifuata Al Hilal Omdurman ya a Sudan kwenye fainali ya CECAFA Kagame Cup kufuatia ushindi wa 2-0 dhidi ya KMC Fc katika dimba la KMC Complex kwenye nusu fainali.
Singida Black Stars 🇹🇿 2-0 🇹🇿 KMC
⚽ 44’ Clatous Chama
⚽ 63’ Ande Koffi
FAINALI: CECAFA Kagame Cup
Al Hilal 🇸🇩 vs 🇹🇿 Singida Black Stars
MSHINDI WA TATU:
APR Fc 🇷🇼 vs 🇹🇿 KMC Fc
