Kesi Imekuwa Ngumu, Yanga Waitwa Kujadili Dabi
Wakati sintofahamu ikiendelea kutanda juu ya hatma ya mchezo wa Dabi ya Kariakoo, viongozi wa juu wa Yanga wameitwa makao makuu ya Bodi ya Ligi Kuu Tanzania Bara (TPLB).
Taarifa kutoka Shirikisho la Soka Tanzania (TFF) inaeleza TPLB imewaita viongozi hao mezani, kuzungumza nao kwani Yanga ndiyo timu mwenyeji wa mchezo huo.
Kwenye kikao hicho, bodi ya ligi inawataka viongozi hao wa Yanga kueleza hatua ya maandalizi ya mchezo huo ambao umepangwa kupigwa Juni 15, 2025.
Hatua hiyo inakuja zikiwa zimesalia siku saba kuanzia siku ya kikao hicho na kitafanyika makao makuu ya bodi hiyo, yaliyopo Ilala.
“Kutakuwa na kikao cha bodi na timu mwenyeji kitakachofanyika Jumatatu Juni 9, 2025 na kuanzia hapo tutajua nini kitaendelea. Hiki ni kikao cha kawaida tu cha maandalizi ya mchezo,” amesema bosi huyo wa juu ndani ya TFF.
Kwenye kikao hicho Yana imetakiwa kuwakilishwa na kamati nzima ya utendaji kuanzia Rais wa klabu hiyo Injinia Hersi Said, Makamu wake, Arafat Haji na wajumbe wa kamati yao ya utendaji
ALSO READ | Gazeti la Afrika Kusini Lamshusha Thamani Fei Toto…..