Wakati furaha ikiendelea kutawala kwa mashabiki wa Wema Sepetu kufuatia kupata mtoto wake hivi karibuni, baadhi ya wadau wa mitandao ya kijamii wameonekana kuelekeza macho yao kwa Lulu Diva, wakijiuliza kwa nini bado hajaonekana kutoa pongezi hadharani.
Kupitia kurasa mbalimbali za mitandao ya kijamii, mashabiki wamekuwa wakimuuliza Lulu Diva @luludivatz kuhusu ukimya wake huku wengine wakieleza kuwa walitarajia kumuona akishiriki furaha hiyo kutokana na historia ya urafiki mkubwa uliowahi kuwapo kati yake na Wema.
Wapo walioeleza kuwa licha ya tofauti zinazodaiwa kuwahi kutokea kati yao, mafanikio makubwa kama hayo yalitosha kuweka pembeni tofauti na kusherehekea pamoja hatua hiyo muhimu katika maisha ya Wema.
Hata hivyo, wengine wamewataka mashabiki kutokurukia hitimisho wakisisitiza kuwa si kila jambo lazima lifanyike hadharani.
Kwa mujibu wa maoni yao, inawezekana Lulu Diva amewasiliana na Wema kwa njia binafsi bila kulazimika kuweka ujumbe kwenye mitandao ya kijamii.
Mpaka sasa, Lulu Diva hajazungumzia suala hilo hadharani, jambo ambalo limeendelea kuibua mjadala miongoni mwa mashabiki wanaofuatilia ukaribu wa mastaa hao wawili.
Je, Lulu Diva ataamua kuvunja ukimya wake au ataendelea kubaki kimya? Hilo ni swali ambalo wengi wanaendelea kujiuliza.