Bodi ya Ligi Kuu Tanzania imetangaza mabadiliko ya uwanja kwa mchezo wa pili wa Dabi ya Kariakoo msimu wa 2025/26 kati ya Simba na Yanga.
Kwa mujibu wa taarifa iliyotolewa Aprili 24, 2026, mchezo huo sasa utapigwa Mei 03, 2026 saa 12:00 jioni katika Uwanja wa Meja Jenerali Isamuhyo, ambao ni uwanja wa nyumbani wa Simba.
Awali, mchezo huo ulipangwa kufanyika katika Uwanja wa Benjamin Mkapa, lakini umehamishwa kutokana na uwanja huo kuwa kwenye matengenezo yanayoendelea.
TPLB imesema imewajulisha rasmi klabu zote mbili, Simba na Yanga, pamoja na wadau wengine wa Ligi Kuu ya NBC kuhusu mabadiliko hayo, na imeeleza kuwa maandalizi ya mchezo yanaanza mara moja ili kuhakikisha unafanyika katika kiwango bora kinachostahili hadhi ya Dabi ya Kariakoo.
Mchezo huo unatarajiwa kuwa na mvuto mkubwa kutokana na ushindani wa muda mrefu kati ya timu hizo mbili kongwe na zenye mashabiki wengi zaidi nchini Tanzania.
