Haaland Ambeba Norway Hatua ya 16 Bora Kombe la Dunia, Kukutana na Brazil!
Mshambuliaji tegemeo wa Norway na klabu ya Manchester City, Erling Haaland, amefunga bao la ushindi dakika za majeruhi na kuivusha nchi yake kwenda hatua ya 16 Bora ya Kombe la Dunia 2026 kufuatia ushindi wa mabao 2-1 dhidi ya Ivory Coast. Norway sasa inajiandaa kumenyana na miamba ya soka duniani, Brazil, katika hatua inayofuata.
Norway ilitangulia kupata bao dakika ya 39 kupitia kwa Antonio Nusa, aliyemalizia pasi safi ya nahodha Martin Odegaard kwa shuti kali lililojaa wavuni. Hata hivyo, Ivory Coast walizinduka kipindi cha pili na kusawazisha deni hilo dakika ya 74 kupitia kwa Amad Diallo, aliyeingia kutokea benchi na kuwasumbua mabeki wa Norway.
Zikiwa zimesalia dakika nne tu kabla ya mchezo kumalizika, Haaland alitokea na kuamua mechi hiyo dakika ya 86 kwa kufunga goli lake la tano la michuano akimalizia krosi ya Patrick Berg. Licha ya Ivory Coast kupambana na kukaribia kusawazisha kupitia mpira wa adhabu wa Diallo, kipa Orjan Nyland alifanya kazi ya ziada kuokoa jahazi.
Ushindi huu wa kihistoria unaipeleka Norway hatua ya mtoano kwa mara ya kwanza kabisa, ambapo soga yao inayofuata itakuwa dhidi ya Brazil kule New Jersey siku ya Jumapili. Kwa upande wa ‘The Elephants’ wa Ivory Coast, safari yao imeishia hapo licha ya kupambana kiume.