Kocha Manqoba Mngqithi Aanza Kukumbana na Presha ya Wananchi
Licha ya Young Africans (Yanga) kupata ushindi wa 2–1 kwenye mchezo wa jana dhidi ya Gaborone United, mjadala mkubwa umeibuka miongoni mwa mashabiki wa Yanga kuhusu mfumo wa uchezaji na baadhi ya maamuzi ya Kocha Manqoba Mngqithi.
Baadhi ya mashabiki wameanza kuonyesha manung’uniko, wakiamini timu haikucheza kwa kiwango walichokizoea na kwamba ushindi huo haukuondoa wasiwasi uliopo kuhusu namna timu inavyocheza.
Kinachozua mjadala zaidi ni namna Mngqithi anavyoonekana kujiamini katika falsafa yake, huku akionekana kutokuwa tayari kubadili kila kitu kutokana na presha au maoni ya mashabiki.
Wananchi wamezoea kuona Yanga ikitawala mchezo, kushambulia kwa nguvu na kucheza mpira unaowapa mashabiki utulivu. Sasa swali kubwa ni:
Je, Mngqithi anaendelea kusimamia falsafa yake kwa sababu anaamini matokeo yatakuja, au anapaswa kuanza kusikiliza baadhi ya malalamiko ya mashabiki?
Presha kwa kocha inaweza kuongezeka zaidi endapo kiwango cha uchezaji hakitabadilika, licha ya timu kuendelea kupata matokeo.
Na kama hali hii itaendelea, je, Mngqithi ataweza kuvuka presha ya mashabiki hadi mwisho wa mwaka, au tutaanza kuona mabadiliko kwenye benchi la ufundi kabla ya hapo?
WANANCHI, HII NI YENU!
Unaamini Mngqithi apewe muda aijenge Yanga kwa falsafa yake, au tayari kuna dalili kwamba kocha anapaswa kubadilisha mfumo?
👇 Dondosha maoni yako kuhusu kiwango cha Yanga na Mngqithi.
Written by Santana CM TZ