Safari ya Timu ya Taifa ya Jamhuri ya Kidemokrasia ya Congo (DR Congo), ‘The Leopards’, katika michuano ya Kombe la Dunia la FIFA 2026 imefikia tamati. Hii ni baada ya kukubali kipigo cha mabao 2-1 dhidi ya England katika mchezo wa hatua ya 32 bora uliopigwa kwenye Dimba la Atlanta, Georgia nchini Marekani.
DR Congo walianza mchezo huo kwa kasi na kupata bao la mapema mnamo dakika ya 7 kupitia kwa Cipenga. Hata hivyo, uzoefu wa nahodha wa England, Harry Kane, uliamua mechi hiyo baada ya kufunga mabao mawili ya haraka mnamo dakika za 75 na 86, na kupindua matokeo hayo.
Kwa ushindi huo, England imefanikiwa kutinga hatua ya 16 bora ambapo sasa itakutana na wenyeji wenza wa michuano hiyo, Mexico, ambao wao wamefika hatua hiyo baada ya kuichapa Ecuador mabao 2-0.
Matokeo ya Mwisho (FT): England 🏴 2-1 🇨🇩 DR Congo