Rais wa Jamhuri ya Muungano wa Tanzania, Samia Suluhu Hassan, amefanya uteuzi na mabadiliko ya viongozi mbalimbali serikalini, ikiwemo kumpangia kituo kipya cha kazi Balozi.
Kwa mujibu wa taarifa rasmi, Rais Samia amemteua Angela Charles Kizigha kuwa Mshauri wa Rais, Masuala ya Jamii, nafasi ambayo anatarajiwa kusaidia katika kutoa ushauri na usimamizi wa masuala yanayohusu jamii na ustawi wa wananchi.
Katika mabadiliko mengine, Rais Samia amempangia kituo cha kazi Mobhare Holmes Matinyi kuwa Balozi wa Jamhuri ya Muungano wa Tanzania nchini Algeria.
