Mwenyekiti wa CHADEMA, Tundu Lissu, leo amefika mahakamani kufuatia kuahirishwa kwa shauri la marejeo lililofunguliwa dhidi yake na Mkurugenzi wa Mashtaka nchini (DPP).
Baada ya kutoka ndani ya ukumbi wa mahakama, Lissu alizungumza na umati wa wafuasi wa chama hicho waliofurika kumuunga mkono. Katika hali iliyoleta tabasamu, Mjumbe wa Kamati Kuu ya CHADEMA, Godbless Lema, alimtania Lissu kwa kumwambia kuwa ameonekana kuongezeka uzito (kunenepa) tangu atoke kizuizini.
Akijibu utani huo kwa kicheko na msisitizo, Lissu alisema hakuna kilichobadilika kwenye mwili wake na kuongeza kuwa, kama mkakati wa waliomweka kizuizini ulikuwa ni kumtesa kisaikolojia ili akonde, basi wamefeli.
“Yataisha tu. Kama walikuwa wanataka kunikondesha, watafute utaratibu mwingine,” alisema Lissu huku akishangiliwa na wafuasi wake.
Lissu anaendelea kukabiliwa na mapambano ya kisheria mahakamani, huku akionyesha msimamo uleule wa kutoyumbishwa na misukosuko ya kisiasa.