Bodi ya Ligi Kuu Tanzania, Tanzania Premier League Board, imetangaza mabadiliko ya uwanja kwa mchezo wa Ligi Kuu ya NBC kati ya Tanzania Prisons FC na Young Africans SC uliokuwa ufanyike jijini Mbeya.
Kwa mujibu wa taarifa iliyotolewa na bodi hiyo, mchezo huo ambao awali ulipangwa kuchezwa katika Uwanja wa Sokoine jijini Mbeya Machi 12, 2026 kuanzia saa 10:00 alfajiri, sasa utafanyika katika Uwanja wa Jamhuri uliopo jijini Dodoma kuanzia saa 2:00 usiku siku hiyo hiyo.
Mabadiliko hayo yamefanyika kufuatia kufungwa kwa Uwanja wa Sokoine na Kamati ya Leseni za Klabu ya Tanzania Football Federation, hatua iliyosababisha bodi ya ligi kufanya marekebisho ya haraka ili kuhakikisha mchezo huo unachezwa kama ulivyopangwa.
TPLB imeeleza kuwa tayari imewataka wadau wote wa mchezo huo, ikiwemo klabu husika na waandaaji wengine, kufanya maandalizi kulingana na mabadiliko hayo ya uwanja ili kuhakikisha mchezo huo unafanyika kwa mafanikio.