Leo Jumatatu Julai 6, 2026 England imefuzu robo fainali ya Kombe la Dunia 2026 baada ya kuibuka na ushindi wa mabao 3-2 dhidi ya Mexico katika mchezo uliokuwa na ushindani mkubwa.
Jude Bellingham aliiongoza England kwa kufunga mabao mawili ya haraka mwishoni mwa kipindi cha kwanza na kuiweka timu yake mbele, kabla ya Julián Quiñones kufunga bao la Mexico kuelekea mapumziko.
Kipindi cha pili kilianza kwa pigo kwa England baada ya Jarell Quansah kuonyeshwa kadi nyekundu ya moja kwa moja kufuatia kumchezea vibaya Jesús Gallardo.
Licha ya kubaki na wachezaji 10, kikosi cha kocha Thomas Tuchel kiliongeza bao la tatu kupitia penalti iliyofungwa na Harry Kane.
Mexico ilipata bao la pili kupitia penalti ya utata iliyofungwa na Raúl Jiménez, lakini haikutosha kuzuia England kutinga hatua ya robo fainali.
Kwa ushindi huo, England sasa itakutana na Norway katika robo fainali, baada ya Norway kuiondoa Brazil kwa ushindi wa mabao 2-1.